Os Parentes andamos nun romance

Ben agradecidos que estamos co poeta e profesor Claudio Rodríguez Fer, un lugués coma nós, por nos meter neste romance tan xeitoso que nos dixeron que cantou en Pontevedra:

Tres cousas hai nesta terra
que naceron en Trasar:
o Anxo González Guerra,
Os Parentes e... enxamiar.
Da República Arxentina
chegounos de contrabando
unha verdadeira mina
chamada Vitoria Ogando.
Pero un máis unha son tres
e así aritmeticamente
naceu un pontevedrés
e matemático ente.
E o galego ben falado,
segundo un conto contado,
é o que leva no refaixo
a avoa Pilar de Baixo!